کورونا غان بچنگ نا اسٹ انگا کسر الس نا اُراتے ٹی مننگ ءِ‘ملک محمدہاشم مغل
Get real time updates directly on you device, subscribe now.
قلات (تلار حوالکار) تحریک انصاف نا لیبرڈپٹی جنرل سیکرٹری ساﺅتھ ایسٹ ریجن (قلات نصیر آباد) ملک محمد ہاشم مغل پارینے کہ کورونا دَین اسہ خطرناک ءُ ناجوڑی سے داڑان بچنگ نا اسٹ انگا کسر الس نا اُراتے ٹی مننگ ءِ‘ لاک ڈاﺅن اٹ قلات نا الس‘ دیہاڑی دار تپّہ‘ مزورکار وپوریاگر برادری نا ویل آتے ایسر کننگ کن صوبائی و بنجائی سرکڑدہ غاتیا چٹھی راہی کننگانے‘ قلات انتظامیہ تینا وڑ اٹ کورنٹائن سینٹر ءِ اسہ ہَد اسسکان جوان کرینے ولے دا بھاز اف۔ دا خیال آتا درشانی ءِ او اے ڈی سی سید مقبول شاہ تون اونادفتر اٹ اوڑدہی و آغا کریم خان کورنٹائن سینٹر نا دورہ نا غان گڈ میڈیا نا نمائندہ غاتتون ہیت وگپ کرسا کرے۔ دا وخت آ تحریک انصاف نا راہشون جمعہ خان ہم اوڑتون تُد ئس۔ او پارے کہ قلات انتظامیہ دا مشکل نا ساہت اٹ غریب آتے ٹی گچین وڑ اٹ راشن بشخنگ اٹی ءِ ولے اسٹ تو داڑے غریبی بھاز ءِ ایلو دا کہ کورونا نا سوب آن ہڑدے ئی کٹوک آک بھاز زہمی مسنو۔