الخدمت فاﺅنڈیشن ڈکھیا انسانیت نا خذمت ءِ کننگ اٹی ءِ‘جمیل احمد
Get real time updates directly on you device, subscribe now.
کوئٹہ (آن لائن) الخدمت فاﺅنڈیشن بلوچستان نا صدر جمیل احمدکرد پارینے کہ کوئٹہ تون اوار مچ آ بلوچستان اٹ الخدمت فاﺅنڈیشن ڈکھیا انسانیت نا خذمت ءِ کننگ اٹی ءِ‘ آگاہی مہم تون اوار غٹ ضلع غاتے ٹی غریب‘ مسکین‘ دیہاڑی دار‘ مزورکار آتے راشن تننگ تون اوار جا جتا شار تے تی بھلا بھلا عبادت نا ہند‘ پبلک ہند آتیا کورونا دَین و ایلو ناجوڑی تیان بچنگ کن اسپرے نا کاریم ہم برجاءِ۔ ہسپتال و صحافی تے سیفٹی کٹ فراوان کننگ انگ ءِ۔ دا مچ آکاریم سخی آبندغ‘ پوریاگر برادری ناکمک اٹ مننگ اٹی ءِ‘ تینا صدقہ غاتے حقدار آتسکان سر کننگ کن الخدمت فاﺅنڈیشن تون کمک کننگے۔ دا خیال آتا درشانی ءِ او صحافی تتون ہیت وگپ کرسا کرے‘ او پارے کہ الخدمت فاﺅنڈیشن مصیبت وپریشانی نا وخت آ مچ آ ملک انا ہر ضلع ٹی کل آن مست فریشان مروک الس نا ڈکھ ودرڈ اٹ اوار مریک۔ نن خوشی بشخنگ و غم تے کم کننگ اٹی ان‘ الس کورونا دَین آن بچنگ کن رکھی گام گیج کے و بے گرج اوڑدہی و بے کاریم آن اُراتیان پیش تمپ۔