چیئرمین سینیٹ نا امریکی صدر ،سینیٹ نا سروک اس تیا چٹھی ،کورونا نا بابت کمکاری نا سلاہ

اسلام آباد (اے پی پی) چیئرمین سینیٹ صادق سنجرانی امریکی حکومت تون کوروناوائرس نا جہانی دین آن زوال آتیا ڈکھ و است ہسونی نا درشانی ءِ کرسا پاکستان نا کنڈآن کمکاری ناسلہ خلکنے۔ چارشنبے نادے آ چیئرمین سینیٹ نا کنڈآن امریکی صدر ڈونلڈ ٹرمپ و امریکی سینیٹ نا سروک مائیکل پنس ءِ نوشتہ کروک آ چٹھی تیٹی چیئرمین سینیٹ کوروناوائرس آن مروک آ مرک آتیا است ہسونی نا درشانی ءِ کرے۔ داکان مست چیئرمین سینیٹ جرمن چانسلر سپین و اٹیلی نا وزیراعظم آتے ہم چٹھی مون تسنے۔ چیئرمین سینیٹ چٹھی ٹی نوشتہ کرینے کہ امریکہ ٹی کوروناوائرس نا سوب آن مروک آ مرک آتیا بھاز است ہسونی مسنے، پاکستان نا پارلیمنٹ و الس نا کنڈآن زہمی خاہوت آتتون ہڑزخواہی و است ہسونی نا درشانی ءِ کیوہ۔ صادق سنجرانی پارے کہ کوروناوائرس اسہ بھلو جہانی ءُ چیلنج اسے ہراڑان ہر اسہ بندغ زہمی مسنے۔ داتنکی آن ہراڑے بھس کاری مننگ ءِ ہموڑے جہانی قوم تے ِ یکجا مننگ نا اسہ نویکل ءُ وارخواہی اس دوبسنے۔ اوپارے کہ پاکستان دنیا آنبار راجی فاصلہ و رکھی گام گیج آتیا سختی اٹ عمل کننگ ءِ۔ پاکستان نا پارلیمان و قوم داسخت انگا دے تیٹی نم تون تفوکءُ۔ نن ہروڑ انا کمکاری خاص وڑاٹ پیرامیڈیکل سپورٹ فراوان کننگ کن تیار اُن۔ اوپارے کہ اومیت ءِ کہ اسیجا کوشست آتے اٹ نن زوت دا تنکی نا مون ءِ تورنہ۔ ڈکھیائی نا داساہت اٹی کنا است خواہیک نم تونءُ۔