یوئیفا نیشنز لیگ‘ پرتگال کروشیا ءِ 1-4 گول اٹ کٹا

لاہور (مانیٹرنگ ڈیسک) یوئیفا نیشنز لیگ اٹ پرتگال کروشیا ءِ 4-1 اٹ بے سہب کرے، انجری نا گواچی کرسٹیانو رونالڈو نا ساڑی مفنگ آن اونا گول آتا سنچری پورو متو۔ گروپ اے تھری نا ٹیمک پرتگال و کروشیا مون مقابل مسر، میچ نا بنا دفاعی وڑ اٹ مس، 41 میکو منٹ اٹ کینسیلو گول اس کرسا پرتگال ءِ سرسہبی تس۔ ارٹمیکو ہاف اٹ سرسہب آ گوازی گرک پین مسہ گول کریر، کروشیا نا کنڈآن اسٹ انگا اسکور پیٹکووِک کرے۔ ٹیم پرتگال 4-1 اٹ سرسہبی ءِ یات گار جوڑ کرے۔ کپتان کرسٹیانو رونالڈو انجری نا سوب آن بشخ ہلنگ کتو۔ سپر اسٹار گوازی گر ءِ گول آتا سنچری ءِ پورو کننگ کن پین انتظار کروئی تما۔