سیرت سرور کائناتؐ (10)
حاجی شاہ بیگ شیدا
Get real time updates directly on you device, subscribe now.
تِس خلؑیل ءِ رب اِرا مار اسماعیؑل اسحاؑق چان
تو مک آک مسُر نبی کہ رب تا ئسک مہربان
اسماعؑیل بسّک حجاز اٹ اسحاؑق ہندن شام اٹی
دن نبوت ایلمی نا رشتہ اوتا نیام اٹی
اسماعؑیل ءِ رب کریسُس دوانزدہ مار اٹ سرفراز
ناز قسمت آ کریکہ دا وڑ اٹ تین کن حجاز
دوانزدہ ٹی اسماعؑیل نا خوش نصیب ءِ مار ئس
نسل احمدؐ ءِ ہراڑان پن اونا قیدار ئس
سلسلہ داڑان قریش نا مون اکن مونی ہنا
مکہ نا والی وارث مس مشہور دا پن آ
اے نا اولاد آن ہاشم نیک سیرت نیک نام
بیت ربی نا ہموتم اونا دوٹی اہتمام
نسل اسماعؑیل ءِ پن ِتس او قریش ءِ شان تس
بیت ربی ءِ ہمو تم او شرف ہم جوان تس
اودے تِسک مار اس اللہ شیبہ اوڑا پن تخوک
او مطلب مس مشہور بیت انا خذمت کروک
دُون زُم زُم ءِ پدا او جوان سفا و ساز کرے
تینا نِزد اٹ او خدا ءِ خلقت ءِ تے راز کرے
خوش نصیب عبد المطلب او نا دَہ مار ئسرہ
بھاز مشہور پن خناسُر اونا ہیت اٹ بسرہ
کل آن چُنکا عبداللہ ئس بھاز کبین او باوہ غا
شکل و صورت زیب دروشم تسوسُس تے دُن خدا
مس عبداللہ کہ ورنا عمر اونا ہودہ سال
کیو برام ءِ مار انا ای باوہ نا تے مس خیال
او منافؔ نا مار وہبؔ آ سانگ بندی کن ہنا
خواہس گودی آمنہ ءِ پن اٹ تینا مڷ نا
وہب بنو زُہرہ پنی آ قوم انا سردار ئس
سالُم کیوہ عبداللہ ءِ وعدہ و اقرار مس
پارے بخت ءِ آمنہ نا باوہ نا تے بخت ہم
جوڑی آ ہندا گچین آ ناز کرو ءِ وخت ہم
سانگ بندی مس ہندا رب انا منظوری اٹ
کائنات ءِ شرف تس او چارے ہندا جوڑی اٹ
رحمتؐ ءِ توم آ جہان تا دافتیان پیدا کرے
اے گچین آ ئس محمدؐ لکھ درود اوڑا مرے
ہفتئی تلار
22-28 August 2020
تاک: 33
پنہ : 4