سندھ طاس معاہدہ ٹی ہڑتوم آتا منشا غان بیدس بدلی کننگ مفک، شیری رحمن

اسلام آباد: بنجائی وزیر موسمیاتی بدلی سینیٹر شیری رحمان پارے کہ سندھ طاس معاہدہ ٹی ردوبدل ہڑتوم آملک پاکستان و بھارت نا مرضی آن بیدس مننگ کپک، بھارت تہہ انا سیاسی باندات آتیٹی فائدہ ہرفنگ کن دا چٹھی ءِ نوشتہ کرینے۔ جہانی بینک ہم ہڑتوم آ فریق آتا امنائی اٹ خیرخواہی کیک۔ جمعہ نادے آسینیٹ نا دیوان اٹی سینیٹر ڈاکٹر شہزاد وسیم نا بھارت نا کنڈآن سندھ طاس کمیشن نا کمک اٹ مون تروک آ نوٹس نا بابت چکاری نوٹس آ گپ وتران کرسا اوپارے کہ سندھ طاس معاہدہ نا بابت پاکستان ءِ 25 جنوری آ تشویشناک چٹھی اس دوئی مسنے، مستین اٹ چندی جھیڑہ غاتیان پد ہم داوڑنا مبہم ءُ چٹھی نوشتہ کننگتنے۔ دا باندات آ دمدستی وڑاٹ وزیراعظم ءِ معلومدار کننگا، تعلقدار ادارہ غاک دا بابت کاریم کننگ اٹی ءُ۔ بھارت مہم دوبہ خلکنے کہ پاکستان سندھ طاس معاہدہ نا خلاف ورزی ءِکرینے۔ مستین اٹ جنگ آتیان پد ہم دا معاہدہ برقرار رہینگا۔ اوپارے کہ بگہار ڈیم و کشن گنگا ڈیم آ ہم اعتراض ہرفیسر، رکلے پن بجلی ڈٹ آ ہم نن اعتراض کرینن۔ اوپارے کہ بھارت اٹی بروک آ سال گچین کاریک ءُ ہرافتار داٹ بھارت جارحانہ بیان بازی کننگ اٹی ءِ۔ سندھ طاس معاہدہ ٹی ردوبدل ہڑتوم آ ملک پاکستان و بھارت نامرضی آن بیدس مننگ کپک۔ اوپارے کہ بھارت تہہ نا سیاسی باندات آتیٹی فائدہ ہرفنگ کن دا چٹھی ءِ نوشتہ کرینے۔

(اے پی پی)