وزیراعظم تون آرمی چیف، ڈی جی آئی ایس آئی نا اوڑدہی

اسلام آباد : وزیراعظم شہباز شریف بلوچستان اٹ کالعدم تنظیم نا سروک نا دزگیری آ سکیورٹی فورس و اینٹلیجنس ایجنسی تا سروک آتے خراج تحسین پیش کرسا پارینے کہ ملک اٹ امن وسوگوی و دہشت گردی نا چٹفنگ کن ہرا قربانی تے تننگ انگ ءِ او بے بھرم ہنپسہ۔ حوالی نا رد اٹ آرمی چیف جنرل عاصم منیر و ڈی جی آئی ایس آئی لیفٹیننٹ جنرل ندیم احمد انجم قومی سلامتی کمیٹی نا دیوان آن مست وزیراعظم شہباز شریف تون اوڑدہی کریر‘ اوڑدہی ناوخت آ قومی سلامتی نا بابت امور تیا ہیت وگپ کننگا‘ اوڑدہی ٹی پاک فوج انا کسبی و آپریشنل امور تیا ہم گپ وتران کننگا۔ وزیراعظم شہباز شریف بلوچستان اٹ کالعدم تنظیم نا سروک نا دزگیری آ سکیورٹی فورس و اینٹلیجنس ایجنسی تا سروک آتے خراج تحسین پیش کرے‘ وزیراعظم پاک فوج انا قربانی تا ستاءِ کرسا پارے کہ پاک فوج ملک اٹ امن وسوگوی و دہشتگردی نا چٹفنگ کن ہرا قربانی تے تننگ اٹی ءِ او بے بھرم ہنپسہ۔

(آن لائن)