واشنگٹن اٹی پاکستان نا نزور ماڑی تے بہا کننگ نا فیصلہ

اسلام آباد: وزارت خارجہ نا کنڈآن قومی اسمبلی ءِ پاننگا کہ واشنگٹن اٹی پاکستان نا خستہ حال ماڑی ءِ بہا کننگ نا فیصلہ کننگانے بولی ناعمل پورو مسنے، بنجائی کابینہ نا منظوری آن پد غٹ آن زیات ملوک آ بولی ءِ ماڑی بہا کننگک۔ داکان بیدس تدوک آ پنچ سال اٹی ہچ ءُ ماڑی اسے سودا یا ہلنگ تنے۔ جمعہ نادے آ وقفہ سوج آتے ٹی سکندر لی راہو پولونا سوج انا ورندی ٹی پارلیمانی سیکرٹری سید حسین طارق پارے کہ وزارت خارجہ ٹی کفایت شعاری نا بابت گما گیج کننگا ہرانارداٹ 28 کروڑ نا بچت کننگانے۔ ننا کوشست مریک کہ فارن مشن تا فنڈآتے ہموکان پورو کننگے ولے وخت وخت اس داکان ضمنی گرانٹ نا ضرورت تمک۔ وزارت خارجہ ءِ پیشن ناملک مشن تیٹی ادائیگی ڈالر آتیٹی کروئی تمک، ڈالر ناقدر اٹی ودکی نا سوب آن ہم ویل مون تروک ءِ۔ وجیہہ قمر نا سوج انا ورندی ٹی مہر حسین طارق پارے کہ بجٹ نا منظوری نا وخت آ ڈالر ناہرا ریٹ مریک اودے مون آتخنگک اگہ داوخت آروپئی نا قدر اٹی کمتی مریک تو داڑان ویل ودک۔

(اے پی پی)