زرگزران نا بابت اٹ بلوچستان نا گیشتری جامعہ غاک ویل آتا گواچنی ءُ‘ ڈاکٹر ساجدہ نورین
کوئٹہ: سردار بہادر خان ویمن یونیورسٹی نا وائس چانسلر پروفیسر ڈاکٹر ساجدہ نورین نا کماشی ٹی یونیورسٹی نا مالی و انتظامی ویل آتا بابت دیوان اس اڈ ہلک۔ بشخندار آتیان تران کرسا وی سی پارینے کہ دا وخت آ مچ آ ملک زرگزران نا ویل آتا گواچنی ءِ ہرا ملک انا کل بشخ آتیا بھاز اثر شاغنگ اٹی ءِ۔ دا وخت اٹ دیوان نا بشخندار آتا کنڈآن یونیورسٹی نا مالی حالیت آتے جوان کننگ کن جتا جتا سلاہ پیش کریر۔ ہرانا روشنائی ٹی وائس چانسلر پروفیسر ڈاکٹر ساجدہ نورین ایچ ای سی و صوبائی حکومت ءِ گرانٹ نا بابت لیٹر نوشتہ کننگ نا پارت جاری کریر تانکہ دا سخت انگا وخت ہراڑان بلوچستان نا کل پبلک سیکٹر جامعہ غاک زہمی ءُ۔ اوفتے آن زوت اس کشر۔
(خ ن)