ملک عبدالولی کاکڑ نا نوشکے تو محبت ستا کڑزک‘ بی این پی نوشکے

0

Get real time updates directly on you device, subscribe now.

نوشکے : بلوچستان نیشنل پارٹی نوشکے نا ضلعی کابینہ سوشل میڈیا غا جاری مروک آ بیان اٹ گورنر بلوچستان ملک عبدالولی کاکڑ نا منتواری ءِ ہرفے کہ ملک عبدالولی کاکڑ نا نوشکے نا ڈغار و نوشکے نا باتی تتون محبت ءِ ہر وخت یات تخنگک۔ او پارینے کہ دا ملک عبدالولی کاکڑ نا خلوص و محبت ئس کہ رمضان شریف نا بابرکت آ تو اٹ ہیلی کاپٹر نا آسراتی مفننگ آن پد دا باسنی نا دے تیٹی روڈ اٹ بریسہ نوشکے ءِ سر مس و تینا وعدہ ءِ پورو کرسا کھلی کچہری اس اڈ تننگ محبت آن کم اف۔ او پارینے کہ تینا عہدہ نا سوغند ہلنگ آن پد بلوچستان نا ایلو ضلع غاتا جاگہ غا تینا اولیکو فرصت اٹ نوشکے نا دورہ ءِ کرسا گورنر بلوچستان ملک عبدالولی کاکڑ دا پاش کرے کہ او عملا ہم نوشکے ءِ تینا ارٹمیکو اُرا تکک۔ ہرانا مابت ملک صاحب ءِ نوشکے آ چکا ایس۔ بیان اٹ گورنر بلوچستان ملک عبدالولی کاکڑ نا نوشکے نا باتی تے کھلی کچہری ٹی غور اٹ بننگ ستا کڑزک۔

(آن لائن)

Get real time updates directly on you device, subscribe now.

Leave A Reply

Your email address will not be published.