امریکہ ٹی ششمیکو دے ہم زوال آتا کچ ہزار آن زیات ریکارڈ کننگا
Get real time updates directly on you device, subscribe now.
واشنگٹن (آن لائن) امریکہ ٹی پد ریسہ ششمیکو دے ہم اسہ ہزار آن زیات زوال ریکارڈ مس۔پین 1255 زوال آن پد زوال آتا جم کچ 10 ہزار نا ہندسہ غان گدرینگا‘ 30 ہزار 331 پوسکن ءُ کیس رپورٹ مسر۔ حوال نارد اٹ امریکہ غان پد ریسہ ششمیکو دے ہم است ءِ ہسون کروک ءُ خبر بننگ اٹی ءِ۔ کورونا دَین نا معلومدری تروک آ جہانی میٹر نا رد اٹ امریکہ ٹی 12 سَد 55 پوسکن ءُ زوال ریکارڈ کننگانے‘ ہراکان گڈ زوال آتا جم کچ 10 ہزار 871 اسکان سر مسنے۔ میڈیا رپورٹ نا رد اٹ امریکہ ٹی ششمیکودے ہم زوال آتا کچ اسہ ہزار آن زیات ریکارڈ کننگانے ہراکہ پین ملک اسے آن زیات بھس کروک حساب کتاب ءِ۔ خبر رساں ادارہ نا رد اٹ 30 ہزار آن زیات پوسکن ءُ کیس رپورٹ مننگ آن پد امریکہ ٹی وائرس آن زہمی بندغ آتا جم کچ 3 لکھ 67 ہزار آن زیات مسنے۔ پوسکن آ حساب کتاب نارد اٹ دَین آن زہمی 19 ہزار 671 بندغ ہندن ءُ ہرافک جوڑ مسنو وخت اس کہ دَین آن زہمی بندغ آتے ٹی 8 ہزار 879 بندغ ہندن ءُ ہرافتا حالیت خراب ءِ۔