حکومت ڈاکٹر آتا جانجوڑی آ ہچ ءُ سمجھوتہ اس کپک، میر ضیاءلانگو
Get real time updates directly on you device, subscribe now.
کوئٹہ(خ ن) صوبائی وزیر داخلہ و پی ڈی ایم اے میر ضیاءاللہ لانگو پارینے کہ حکومت بلوچستان صوبہٹی کورونا دَین نا توننگ و ڈاکٹر آتا جانجوڑی آ ہچ ءُ سمجھوتہ اس کپ‘ دا رد اٹ کورونا دَین نابابت ہلہلہ ئی بنداو آ اولیکودے آن صوبائی حکومت الس وتینا فرض آتے پورو کننگ کن تعینات کارندہ‘ ڈاکٹر و پیرامییکس نا جانجوڑی کن جوان گام گیج کننگ اٹی ءِ۔او پارے کہ صوبہ ٹی ساڑی غٹ بھلا ہسپتال‘ کورنٹائن سینٹر و صوبائی ادارہ ٹی ساڑی کارندہ غاتا جانجوڑی کن المی رکھی گڑا و ایلو آسراتی تے کچ اٹنگا وسیلہ غاتے ٹی ہم فراوان کننگ انگ ءِ۔دا وخت آ ڈاکٹر‘ سرکای افسر و تعلقدار کارندہ غاتا رکھ و آسودہی کن ہزار آتا کچ اٹ گلوز، N95ماسک، سینیٹائزرز، تھرمل گنز، جراثیم کش دارو، شوز کور، گوگلز، وی ٹی ایم کٹ و اپرین صوبہ ٹی جوڑ جتا جتا آئسولیشن کیمپس و ہسپتال و سرکاری دفتر آتے فراوان کننگ انگ ءِ۔