اپوزیشن سیوت پی ڈی ایم نا حکومت نا برخلاف برانزی شیڈول نا پڑو

13 نومبر نا دے کراچی، 17 نومبر آ کوئٹہ و 20 نومبر آ پشاور اٹی سڑک آتیا پیش تمنہ، اپوزیشن

پاکستان ڈیموکریٹک موومنٹ نا سروک مولانا فضل الرحمان نا کماشی ٹی پی ڈی ایم راہشون تا ورچوئل دیوان مس، ہراٹی ملکی حالیت و ملک اٹی ودوک کبینی نا حالیت آ ہیت و گپ کننگا۔

حوال آتا رد اٹ پیپلزپارٹی نا پی ڈی ایم اٹی پدی اتنگ آ ہم سجفنگا۔

حوال آتا رد اٹ کبینی نا برخلاف صوبہ غاتیٹی مارچ انا فیصلہ کننگا، وخت اس کہ کبینی نا برخلاف مارچ انا ایسری آ لانگ مارچ اس کننگک۔

حوال آتا ردا ٹ دیوان اٹی 13 نومبر آ کراچی، 17 نومبر آ کوئٹہ 20 نومبر آ پشاور اٹی کبینی مارچ انا سلاہ تننگانے۔

حوال آتا ر داٹ پی ڈی ایم نیب ترمیمی آرڈیننس و الیکٹرانک ووٹنگ مشین ءِ ہم مسترد کرے۔

پی ڈی ایم نا رد اٹ گچین کاری اصلاحات بل آتے تونگن کن پارلیمنٹ نا اسیجائی دیوان نا پورو وڑ اٹ حاضری ءِ پک کننگک۔ و گچین کاری اصلاحات بل آتے توننگ کن پیپلزپارٹی تون ہم حکمت عملی جوڑ کننگ آ سلاہ کننگا۔