کوئٹہ ٹی 14 اگست آ سرکاری و پرائیویٹ ماڑی تے بیرفنگ نا بابت دیوان
Get real time updates directly on you device, subscribe now.
صوبائی حکومت نا پرمان و ڈپٹی کمشنر کوئٹہ مہراللہ بادینی نا پارت آ اسسٹنٹ کمشنر (سٹی) کوئٹہ محمد امیر حمزہ نا کماشی ٹی 14 اگست یومِ آزادی نا رد اٹ سرکاری و پرائیویٹ ماڑی تے بیرفنگ نا بابت اسہ دیوان اس اڈ ہلک۔ دیوان اٹی محکمہ تعلیم، پی ٹی سی ایل، این ٹی سی، سرینا ہوٹل، جتا جتا بینک و ایلو تعلقدار ادارہ غاتا نمائندہ غاک بشخ ہلکر۔ اسسٹنٹ کمشنر (سٹی) شریدار آتے حکومت بلوچستان نا پارت آتا رِد اٹ تینا تینا ماڑی تے قومی بیک‘ برقی بتی و ایلو گڑاتے ٹی بیرفنگ نا پارت کرے۔ دیوان اٹی دا ہیت آ زور شاغنگا کہ کل بست وبند آتے وخت آ پورو کننگے تانکہ یومِ آزادی قومی جوش وجوزہ‘ حب الوطنی و گچین وڑ اٹ اڈ تننگے و مچ آ شار اٹ جشنِ آزادی نا جوان چاگڑد نمان مرے۔