ایران و پاکستان نا زُوت آجو واپاری معاہدہ ءِ پک دروشم تننگ آ امنا،اسیجائی واپاری کمیٹی

اسلام آباد/کوئٹہ،ایران و پاکستان زُت آن زوت آجو واپاری معاہدہ ءِ گڈیکو دروشم تننگ آ امنا کرینو دا فیصلہ تدوک آ دے اسلام آباد اٹی مروک دہمی پاک ایران اسیجائی واپاری کمیٹی نا دیوان اٹی کننگا ہراڑے ہڑتوم آ ملک آک تین پہ تینی واپار ءِ 10 ارب ڈالر اسکان ودفنگ نا عزم انا دوارگی ءِ کریر‘ ایوان صنعت و تجارت کوئٹہ بلوچستان نا صدر حاجی محمد ایوب مریانی و ایلوفک پاک ایران فری ٹریڈ ایگریمنٹ (FTA) ءِ ہڑتوم آ ملک آتا بزنس کمیونٹی کن اومیت گوندسا پارینو کہ ننے خوشی ءِ کہ ایوان صنعت و تجارت کوئٹہ بلوچستان نا اسہ متکن ءُ خواست اسے آ عمل درآمد نا بنا مسنے دا رد اٹ چیمبر آف کامرس اینڈ انڈسٹری کوئٹہ بلوچستان صوبہ نا واپاری تپہ نا توار مرسا ہر فورم آ حق انا توار چست کریسس بلکن اودے جوائنٹ بارڈر کمیٹی نا ایجنڈا ٹی ہم اوار کرے دا معاہدہ غان پاک ایران واپاری حال حوال پوسکن آ مزل آتسکان سر مریک‘ او پاریر کہ آجو واپاری معاہدہ بیرہ اسہ زرگزرانی پیش رفت اس آخا بلکن ہڑتوم آ ملک آتا نیام اٹی ودوک آ اقتصادی کمک نا ڈیک ہم گوندنگ انگ ءِ۔ معاہدہ ٹی سیمی منڈی تا ادارہ غاتا نیام اٹی رابطہ غاتے سوگو کننگ و سیم انا ایپار آن آسان جوڑ کننگ کن بارڈر ٹریڈ (جنس انا زی آ واپار) نا نظام ءِ ودفنگ آ ہم امنا کننگانے ٹریڈ کمیٹی نا دیوان اٹی آجو واپاری معاہدہ نا قاعدہ و ضابطہ و ٹیرف اٹی کمتی نا وڑ و ڈول آ نمان پیش رفت مس و ہڑتوم آ ملک آک واپار، زرکاری و اقتصادی کمک ءِ تیز کننگ آ امنا کریر۔ دیوان اٹی کاروباری ادارہ غاتا نیام اٹی رابطہ غاتے سوگو کننگ و بارٹر ٹریڈ ءِ شون تننگ نا فیصلہ کننگا۔ چیدگی کوہک سیمی بازار نا زوت پوروی آ امنا کننگا تانکہ سیمی واپار ءِ ودفنگ مرے داکان بیدس سیمی منڈی تا بھرمی بست و بند کن اسیجائی کمیٹی جوڑ کننگ و کشاری و میوہ غاتا گڑاتا واپار اٹی ودکی آ ہم امنا کننگا‘۔ دا معاہدہ ہڑتوم آ ملک آتا نیام اٹی اقتصادی کمک ءِ پین سوگو کننگ و ہڑتوم آ کنڈ آتا واپار اٹی نمان ودکی نا کنڈ آ اسہ اہم ءُ گام اسے گوندنگ انگ ءِ۔