امریکہ تون گولہ بارود و فوجی گڑا تا بھلو کچ اس ارے، ٹرمپ

امریکی صدر ڈونلڈ ٹرمپ پارینے کہ امریکہ تون و گولہ بارود و فوجی گڑاتا بھلو کچ اس ارے، خاص وڑ اٹ گڑاس مخصوص وڑ انا سلہہ غاتا کوڑی بھاز زیات ءِ۔ شنہوا نا رداٹ دا ہیت ءِ او پنچ شنبے نادے آ ایران نا برخلاف جنگ آن پد امریکی سلہہ تا کوڑی تیٹی کمتی نا بابت سی این این نا کنڈآن شینک مروک رپورٹ آن اسہ دے پد تینا سوشل میڈیا پلیٹ فارم ٹروتھ سوشل آ کرے۔ او پارے کہ بھلو کچ اسے ٹی سلہہ جوڑ کننگ انگ ءِ و گرج انا رداٹ امریکہ غا گدریفنگ انگ ءِ۔ دفاعی کمپنیک ننا تاریخ اٹی کل آن زیات کچ اٹی پلانٹ و فیکٹری جوڑ کننگ ءُ۔ امریکی صدر خبڑدار کرے کہ دا غداری آ تالان بیان جاری کروک آتا پد رند ءِ خلنگ انگ ءِ۔ اوفتے کن مریس مدی بندی نا سزاتا خواست کننگک۔ ٹرمپ نا دا بیان اسہ دے آن پد مون آ بس ہراتم سی این این ایران نا برخلاف جنگ آن پد امریکی سلہہ تا کوڑی تیٹی کمتی نا بابت رپورٹ شینک کرے۔