ہولی نا خوشی بخال آتیکن سچ و حق انا سرسہبی نا دے ءِ‘ وزیراعلیٰ بلوچستان

کوئٹہ : وزیراعلیٰ بلوچستان میر عبدالقدوس بزنجو بخال برادری ءِ ہولی نا وخت آ مبارکبادی تسنے۔ تینا اسہ کلہو اسے ٹی وزیراعلیٰ پارینے کہ ہولی نا خوشی بخال آتیکن سچ و حق انا سرسہبی نا دے و اوٹی رنگ آتا کاریم اٹ اتنگ ہتم نا مد انا بننگ نا نشانی ءِ۔ وزیر اعلیٰ پارینے کہ بلوچستان اٹ کیہی وخت آن آباد بخال برادری ننا روایت و دود ربیدہ نا بشخ اس جوڑ مسنے۔ بلوچستان اٹ اقلیت آتے پورو مذہبی آجوئی و پور ءُ حق دوئی ءِ۔ و بخال برادری پاکستان و بلوچستان نا شونداری ٹی اہم ءُ کڑد اس ادا کرسا کرینے۔ او پارینے کہ دین اسلام کل مذہب آتیا تعلق تخوک آ بندغ آتا حق انا رکھ و اوفتا مذہبی آجوئی نا ضمانت فراوان کیک۔