نوکاپ آن زہمی مروک آ گنداواہ روڈ نا بحالی کن گام گیج کننگک‘ ڈی سی جھل مگسی

0

Get real time updates directly on you device, subscribe now.

جھل مگسی : تدوک آ دے ڈپٹی کمشنر جھل مگسی فلائیٹ لیفٹیننٹ (ر) یاسرحسین گنداواہ ٹو نوتال کسر نا دورہ ءِ کرے۔ شاہراہِ غا محکمہ مواصلات و تعمیرات نا کنڈآن برجا انگا شونداری کاریم تا جاچ ءِ ہلک و محکمہ نا کارندہ غاتے زوت اس شاہراہ نا کاریم ءِ پوروی اسکان سر کننگ نا پارت کرے۔ ڈپٹی کمشنر جھل مگسی فلائیٹ لیفٹیننٹ (ر) یاسرحسین پارینے کہ سال انا بشام نا بھسکاری پر و نوکاپ آن ضلع جھل مگسی نا روڈ انفراسٹرکچر ءِ بھلو کچ اسے ٹی بھس کرینے۔ خاص کر نوتال ٹو گنداواہ شاہراہِ ءِ ملیامیٹ کرینے ہراڑان اُلس ءِ بننگ اٹ سختی دوئی بننگ اٹی ءِ۔ حکومت بلوچستان روڈز نیٹ ورک نا پورو بحالی کن وسیلہ غاتیٹی رہنگسا گام گیج کننگ اٹی ءِ تانکہ ضلع نا اُلس ءِ سفری آسراتی دوئی مرے۔

(خ ن)

Get real time updates directly on you device, subscribe now.

Leave A Reply

Your email address will not be published.