نوشکے‘خلقی فیڈر آتیٹی بجلی شیڈول اٹ کمتی کشارگر آتیکن گڑتی اسے‘ میر محمد اعظم ماندائی
Get real time updates directly on you device, subscribe now.
نوشکے : زمیندار ایکشن کمیٹی نوشکے نا ضلعی صدر میر محمد اعظم ماندائی نا کماشی ٹی ڈل چیف کیسکو آفس اٹ چیف انجنئیر آپریشن سید یوسف شاہ تون اوڑدہی کرے۔ او وخت آ ایس ای خضدار سرکل کرم بخش بادینی،ایکسئین نوشکے قاضی نوید احمد، زمیندار ایکشن کمیٹی راہشون میر خورشید جمالدینی، حاجی شاہ زمان خان جمالدینی،ندیم بڑیچ و ایلوفک ہم ساڑی ئسر۔ ڈل او ڈی ءِ نوشکے نا خلقی فیڈر آتیٹی بجلی شیڈول اٹ کمتی و کیسکو آن معاہدہ نا بابت اٹ سرسہب کرے۔ کیسکو ءِ ریکوری و واجبات آتا ادائیگی نا بابت اٹ جوان کمک نا پارت کرفے و او ڑی ڈل اتون سرسہب سرسہبی آن پد نوشکے نا خلقی کشاری فیڈر آتا بجلی ءِ ریکوری نا بنداو آ مسکوہی شیڈول بحال کننگ نا پارت کرے۔ ڈل ایس ای خضدار سرکل تون اوار پی ڈی سی آفس اٹ پرتاب تون اوڑدہی کرے و نوشکے نا کشاری و خلقی فیڈر آتا بجلی شیڈول اینو ننکان 12 بجہ غان شروع کننگ نا پارت کرفے۔
(آن لائن)