غزل

قادر کنول

0

Get real time updates directly on you device, subscribe now.

غم تتو زندگی نا خوشی تل مرے

خڑک انا است انا خلکنی خل مرے

است ترخ ننا است ترخک ننا

…………

پُٹ مرے کس جہہ اس وا جہہ اس پتک ہلے

پلو آ بَڈ پُڑینک آتے خن تا تفے

جک ننا پژہ اس مف ستم تے خنن

مخسا پت بنن دا زبان ءِ موغن

است ترخ ننا است ترخک ننا

…………

بزدلی اس ننے گیر کے خوامخواہ

دامن اس است انا ریڑ کے خوامخواہ

دا چمن خیسن ءِ گواڑخی پھل اتو

روتسا کے جغر کاٹم آ ول اتو

است ترخ ننا است ترخک ننا

…………

ای مفر نی مفہ او مرے کاٹم آ

طاق اٹی طاقت اس گم مرے دا ننا

سوچ انا گند اسے کپ بدل دا قلم

قادری دن ضمیر اس ننا مس ختم

است ترخ ننا است ترخک ننا

ہفتئی تلار 

تاک: 37

26 Sep-02 Oct, 2020

پنہ: 03

Get real time updates directly on you device, subscribe now.

Leave A Reply

Your email address will not be published.