سیرت سرور کائناتؐ 14

حاجی شاہ بیگ شیدا

0

Get real time updates directly on you device, subscribe now.

بِن قریش نا حالت ءِ نی یا عرب نا حالت ءِ

انت کریکہ مکہ اٹ او اے غضب نا حالت ءِ

انت ئسک زند بود تا انت حکومت انت نظام

دین و دنیا کن کریکہ انت اس اوڑے اہتمام

دِنّا ئسک زیر دست او دیر تو ئسک ایلمی

انت جوانی او کریرہ انت خوشی انت غمی

دینِ حق آن مُست انا تا حالت ءِ کیوہ بیان

خف تے ہل/ ہور باٹی کر پناہ خواہ الامان

نئے نظام ئس نئے حکومت ئس عرب تو اے تم آ

مست ہُچ آنبار ئسّک او مغوز و لا تما

او عراق و شام اٹی ئس، ئس تالان جہہ جہہ اٹ

جنگ و جھیڑہ ٹی پنی ئس منتوکہ او بِسٹ

وا ہُرس کہ جھیڑہ تے مس فارس و یا روم اتو

لُٹ و پُل تو پن خناسُس تینا ہندا زوم اتو

زیر دست او مَسّکہ تو تِسکہ ایڑے خراج

واہ ہُرس کہ مس باغی ئس او نا دا رواج

دُن عرب نا ملک اٹی چا نئے حکومت نئے نظام

جنگ و جھیڑہ بے یقینی ئسکہ دُن سہب و شام

چُنکو چُنکو ہیت اسے آ او کریرہ دن فساد

سال تُو اٹ کُٹتَو کہ داڑکن الّو ہچ میعاد

قتل غارت رہزنی کن مخ تفوک او ءَسُرہ

ہیت اس اَلّو ہیت اسے آ نیام اٹی او بسرہ

شڑت خلنگ او زنا ءِ فخر تین کن چاہسُر

دین نیکی تا کسر آن بھاز چَپ اومسُو سُر

او مسن تے زند اٹی تا کھڈ کریرہ گور اٹی

ئس شراب تو پین بدی تا رنگ اوڑے زور اٹی

جاہلی نا زور ئسک بت پرستی عام ئس

پورا دنیا ٹی عرب دُن ہر وڑ اٹ بدنام ئس

بیت ربی نا ہموتم واہم ئسک احترام

مَسکہ دن اوڑے طواف جاہلی اٹ سہب و شام

ئس مُطلِّب بیت ربی نا خلیفہ ہر وڑ اٹ

اونا خاہوت ءِ ہُرا کہ ہر عرب دن عزت اٹ

سَے سد و شست آن زیادہ کعبتہ اللہ ٹی بت آک

لات و عُزّا ءِ خدا منارہ تین کن جاہل آک

ہر گڑا کن تا تخوک ئس خل انا اوڑے خدا

بیت ربی ءِ کریسُر اوڑے بت خانہ سفا

تیل/ دوشہ گوج و چچی مزہ اٹ او کنگرہ

سیر جادو او کریرہ شئیر و باگُل بنگرہ

رحم اَلّو اُست اٹی تا خود غرض خود بین او

دن خدا غان مُر ءَسُر مُلحِد و بے دین او

بس خدا نا ذات باری جوش اٹی دا حالت آ

رحم بسک دُن رحیم ءِ وا عرب نا حالت آ

ہفتئی تلار 

تاک: 37

26 Sep-02 Oct, 2020

پنہ: 04

Get real time updates directly on you device, subscribe now.

Leave A Reply

Your email address will not be published.