حکومت و آئی ایم ایف نا مذاکرات اینو دوارہ بنا کیک
آئی ایم ایف نا ایگزیکٹو بورڈ معاہدہ نا پک منظوری ءِ ایتک، آئی ایم ایف آن اسہ ارب 10 کروڑ ڈالر رسینگ نا گمان ءِ
Get real time updates directly on you device, subscribe now.
اسلام آباد : حکومت و آئی ایم ایف نا مذاکرات اینو دوشنبے آن بنا کیک ہراٹی ایم ای ایف پی نا مسودہ ءِ گڈیکو دروشم تننگک وخت اس کہ بروک آ ہفتہ ٹی اسٹاف لیول معاہدہ نا پڑو کننگک‘ وزارت خزانہ نا حوالی نا رد اٹ حکومت و آئی ایم ایف نا نیام اٹ اینو مروک مذاکرات اٹ جون اسکان کٹیا و خڑچ آتے گڈیکو وڑ اٹ پک کننگک‘ اقتصادی و مالیاتی پالیسی تا مسودہ یادداشت نا متن اٹ پک بدلی کننگک‘ ایم ای ایف پی نا مسودہ ءِ اینو گڈیکو دروشم تننگک و ورچوئل مذاکرات آن پد لیٹر آف انٹینٹ آ دستخط کننگک‘ حوالی نا رد اٹ بروک آ ہفتہ ٹی اسٹاف لیول معاہدہ ناپڑو کننگک‘ آئی ایم ایف نا ایگزیکٹو بورڈ معاہدہ نا پک منظوری ءِ ایتک‘ بورڈ انا منظوری آن پد پاکستان ءِ آئی ایم ایف آن اسہ ارب 10 کروڑ ڈالر رسینگرہ۔ وزارت خزانہ پارینے کہ پاکستان نا فنانسنگ گیپ پنچ ارب ڈالر اسکان مریک‘ جون نا آخیر اسکان ملکی زرمبادلہ نا کوڑیک 10 ارب ڈالر آن زیات مریرہ‘ سعودی عرب و متحدہ عرب امارات نا کنڈآن 3 ارب ڈالر آن زیات انا فنڈ ہم زوت رسینگک۔ آئی ایم ایف پارینے کہ برجا مالی سال پاکستان نا 7 ارب ڈالر نا فنانسنگ گیپ مننگ کیک۔ آئی ایم ایف 4 پین پیشگی گام گیج آتا پارینے ہرافتیا حکومت عملدرآمد کرینے ہرا پیشگی گام گیج آتیا عملدرآمد کننگانے اوفتے ٹی پالیسی ریٹ ءِ 300 بیسز پوائنٹ ودفسا 20 درسَد کننگانے‘ ایکسچینج ریٹ آن کیپ ءِ اینک کرسا اوغان سیم انا ریٹ آ ڈالر پک کننگا، بجلی نا صارف آتیان 3.39 روپئی سرچارج کیہی سال اسکان ہلنگک۔
(آن لائن)