انقلابی خان لغوری نا تاریخ اس پک کرے، حافظ حمد اللہ

اسلام آباد : پی ڈی ایم نا ترجمان حافظ حمداللہ پارینے کہ انقلابی خان لغوری نا تاریخ اس پک کرے۔ عمران خان برخہ ٹی نرنگ اٹ سرسہب مس۔ زمان پارک بنکر اٹ ڈکنگ آن نی نیلسن منڈیلا آخا لغور و خلوچرت لیڈر پک مسس۔ عمران خان نا گمانی دزگیری آ ردعمل ترسا ترجمان پی ڈی ایم پارے کہ جیل بھرو تحریک نا روح رواں و امریکہ ءِ دھڑکو تروک آ مرد مجاہد عدالت اٹ حاضر مرے اگہ دامن سفاءِ‘ گھڑی دزتنس تو تینے کانود نا دوٹی ایت‘ دزگیری آن بچنگ کن عمران خان تینے نیاڑی وکاندہ غاتا پد اٹ ڈکانے۔ او پارے کہ کانود آ عملداری نا بھاشن تروک آ تینٹ کانود آن نرنگ اٹی ءِ۔زمان پارک بنکر اٹ ڈکنگ آن عمران خان نیلسن منڈیلا آخا بلکہ لغور وخلوچرت ءُ لیڈر اس پک مس۔ عمران خان نا کمکار آتا کنڈآن ریاستی پولیس نا بے شرفی ریاست نا بے شرفی ءِ‘ اگہ دا بدمعاشی و غنڈہ گردی ءِ اسہ لس بندغ اس کریکہ تو اودے گرسا دزگیر کننگاکہ‘ عمران خان ہرادے نا اسہ پاکستان و اسہ کانود نا دعوی؟ نا کڑدار کانود تون بغاوت و پساد ءِ‘ نی عدالت وکانود آن ایڑتر افیس۔ پی ٹی آئی نا ٹائیگر آک ہرا بنداو آ پارہ کہ”خان“ بہادر ءِ‘ اینو انقلابی خان لغوری نا تاریخ اس پک کرے‘ عمران خان برخہ ٹی نرنگ اٹ سرسہب مس۔

(آن لائن)