اسلام آباد،تعلیمی ادارہ غاتیٹی ہفتئی چھٹی ءِ چٹفنگ نا فیصلہ
Get real time updates directly on you device, subscribe now.
اسلام آباد(آن لائن) وزارت تعلیم پارینے کہ بنجائی دارالحکومت اسلام آباد اٹ اینخو یخ انا چٹھی تیٹی ہم تعلیمی سرگرمی تے برجا تخک وخت اس کہ تعلیمی ادارہ غاتے کن ہفتہ ٹی چٹھی ءِ ایسر کننگ نا ہم فیصلہ کننگانے۔ بنجائی وزارت تعلیم نا کنڈآن جاری مروک آ پڑو نا رداٹ بنجائی نظامت تعلیمات (ایف ڈی ای) اسلام آباد نا کل تعلیمی ادارہ غاتا کماش آتے وڑ و ڈول ءِ تینا کروئی نا پابند کننگے۔ ایف ڈی ای تعلیمی ادارہ غاتا کماش آتے ادارہ غاتے ملنگ نا بابت حکمت عملی ءِ تیار کننگ نا پارت کرے۔ بنجائی وزارت تعلیم پڑو نا رداٹ اسلام آباد نا تعلیمی ادارہ غاتیٹی ہفتہ نا دے ہم تعلیمی سرگرمی تے برجا تخنگک، تعلیمی ادارہ غاتا ملنگ آن پد طالبعلم آتا آسانی نا رداٹ آخبت نا لائحہ عمل ءِ تیار کننگک، وزارت تعلیم نا رداٹ طالبعلم آتا تعلیمی سال ءِ زیان مننگ آ حکمت عملی ءِ بروک آ سال تینا کننگ آ سجفنگک۔