میگاکرپشن نا وائٹ کالر کرائم کیس آتے سر تننگ ءِ اولیت ایتنہ، چیئرمین نیب

سلام آباد(آن لائن) چیئرمین قومی احتساب بیورو جسٹس (ر)جاوید اقبال پارینے کہ بدعنوانی کل برائی تا ماس ءِ، نیب وائٹ کالر کرائمز و میگاکرپشن کیس آتے ایسری اسکان سر کننگ ءِ نیب اولیت ایتک۔ نیب اقوام متحدہ نا بدعنوانی نا برخلاف کنونشن نا رداٹ فوکل ادارہ اسے وخت اس کہ پاکستان یو این سی اے سی آ دستخط کرینے۔ جہانی اقتصادی فورم، ٹرانسپیرنسی انٹرنیشنل پاکستان، پلڈاٹ و مشال پاکستان بدعنوانی نا ایسری کن نیب انا کوشست آتا ستا ءِ کرینے۔ تدوک آ دے جاری اسہ بیان اسے ٹی چیئرمین نیب پارینے کہ نیب نا کارکڑد ءِ پین جوان کننگ کن آپریشن، پراسیکیوشن، ہیومن ریسورس ڈویلپمنٹ، ٹریننگ ریسرچ، آگاہی و شونداری نا بشخ آتے فعال جوڑ کننگانے۔ نیب ءِ 2019 اٹی  53 ہزار 643 غاو دوئی مسر ہرافتے آن 42 ہزار 760  ءِ چٹفنگانے وخت اس کہ 2018 اٹی نیب ءِ 48 ہزار 591 غاو دوئی مسر ہرافتے آن 41 ہزار 414 ءِ ایسر کننگا۔ غاو تا ودکی آن نیب آ اُلس نا اعتماد نا درشانی مریک۔