جشن یوم دفاع پاکستان فیملی واک و سائیکل ریس پگہ مریک

کراچی (مانیٹرنگ ڈیسک) جشن یوم دفاع پاکستان نا رداٹ افواج پاکستان اٹ اوار آرمی، ایئر فورس، نیوی، رینجرز، فرنٹیئر کانسٹیبلری، پولیس و ایلو فورس آتا افسرک و ورناک و شہید آتے جوان و عظیم الشان خراج تحسین پیش کننگ کن پاکستان اسپورٹس مین لائینز کلب انٹرنیشنل، ڈاکٹر عیسیٰ لیبارٹریز اینڈ ڈائیگنوسٹک سینٹر و سندھ سائیکلنگ ایسوسی ایشن نا کنڈآن فیملی واک و سائیکل ریس اڈ تننگک۔ دا ہیت ءِ پگہ پاکستان اسپورٹس مین لائینز کلب انٹرنیشنل نا چیئرمین عابد علی ایڈووکیٹ آف سندھ ہائیکورٹ، ڈاکٹر عیسیٰ لیبارٹری نا ڈاکٹر فرحان عیسیٰ، ڈاکٹر نیّر جبیں و سندھ سائیکلنگ ایسو سی ایشن نا جنرل سیکرٹری ملک کلیم احمد اعوان اسک اواری ٹی بریفنگ اس تسر۔ ڈاکٹر نیّر جبیں پارینے کہ فیملی واک پاور ہاؤس نارتھ کراچی نا مین روڈ آن بنا مرسا باڑہ مارکیٹ بلال ٹاؤن آ ایسر مریک وخت اس کہ سائیکل ریس باڑہ مارکیٹ آن بنا مرسا 4Kچورنگی ءِ سر مرسا ایسر مریک۔ سائیکل ریس نا چیف آرگنائزر کلیم ملک احمد اعوان پارے کہ کراچی نا 6 ضلع نا 50 آن زیات ترند گرلز و بوائز سائیکلسٹ دا ریس اٹ تینا لائخی تے نشان ایترہ۔ پاکستان رینجرز سندھ و کراچی پولیس بشخندار و منتظمین تا رکھ اکن فول پروف سکیورٹی انتظام آتے پورو کرینے۔