شجرکاری نا کمک اٹ موسمی بدلی نا منفی زہم ءِ توننگ مریک، سائرہ عطاء
Get real time updates directly on you device, subscribe now.
کمشنر لسبیلہ ڈویژن سائرہ عطاء بشام شجرکاری مہم 2026ء نا رد اٹ لیڈا (LEDA) نا دفتر نا دنگ اٹ نہال اس تخسا شجرکاری مہم نا بناءِکرے۔ دا وخت آ ڈپٹی کمشنر حب جمعہ خان مندوخیل تون اوار تعلقدار محکمہ غاتا افسر آک ہم ساڑی ئسر۔ دا وخت آ ہیت وگپ کرسا کمشنر لسبیلہ ڈویژن سائرہ عطاء پارے کہ شجرکاری چاگڑدی رکھ‘ موسمیاتی بدلی تا منفی زہم تیٹی کمتی و بروک آ چین تے جانجوڑ چاگڑد نا فراوانی کن بے کچ اہمیت تخک۔ او پارے کہ درخت قدرت نا نہادی میرات ءُ و سرسوز چاگڑد نا شون اکن زیات آن زیات درخت خلنگ وخت انا اہم ءُ گرج اسے۔ او تعلقدار ادارہ و الس آ زور شاغا کہ او بشام شجرکاری مہم اٹی پبی بشخ ہلسا زیات آن زیات نہال تخر و اوفتا سارسنبھال ءِ ہم پک کیر تانکہ چاگڑد ءِ جوانی نا کنڈ آ دننگ مرے و آخبت نا چین تے کن اسہ رکھوک و سرسوز آخبت نا بنداو تخنگ مرے۔