اسحاق ڈاراردن اٹی القدس نا بابت وزارتی دیوان اٹی بشخ ہلیک
Get real time updates directly on you device, subscribe now.
نائب وزیراعظم و وزیر خارجہ محمد اسحاق ڈار 5 اگست 2026ء آ عمان، اردن اٹی القدس تون تعلقدار وزارتی دیوان اٹی بشخ ہلیک۔ ترجمان دفترِ خارجہ نا رِد اٹ نائب وزیراعظم اسحاق ڈار ننکان اردن آ کاہک‘ او 5 اگست 2026ء آ القدس نا بابت وزارتی دیوان اٹی بشخ ہلیک، او دا دورہ ءِ اردن نا نائب وزیراعظم و وزیر خارجہ ایمن الصفدی نا سلہ خلنگ آ کننگ اٹی ءِ۔ دا دیوان اٹی عرب لیگ نا باسک ملک آتا وزیرخارجہ و پاکستان تون اوار اسلامی ملک آتا اسہ گروپ نا وزیرخارجہ غاک بشخ ہلیرہ۔ دیوان نا مسخت مقبوضہ القدس اٹی ترندی اٹ خراب مروک حالیت آتیا امنائی و اسیجائی موقف تینائی کننگ ءِ‘ دیوان اٹی شریدار وزیرخارجہ غاک تینا تینا دورہ نا وخت آ اردن نا فرمانروا شاہ عبداللہ دوم ابن الحسین تون ہم اوڑدہی کیرہ۔