ضلع ٹی سرکاری طبی ہند آتا کارکڑد ءِ پین گچین کننگ نا گرج ءِ، ڈسٹرکٹ ہیلتھ آفیسر گوادر

وزیراعلیٰ بلوچستان میر سرفراز بگٹی نا وژن نا رِد اٹ شاری تے اوفتا درگہ غا آب و و بنداوی جانجوڑی نا آسراتی تا فراوانی ءِ پک کننگ کن محکمہ جانجوڑی گوادر متحرک ءِ‘ دا رد اٹ ڈسٹرکٹ ہیلتھ آفیسر گوادر ڈاکٹر یاسر طاہر رورل ہیلتھ سینٹر (RHC) سربندن و سول ڈسپنسری شمبے اسماعیل نا جم دورہ ءِ کرے۔ دورہ نا وخت آ ڈسٹرکٹ ہیلتھ آفیسر طبی و پیرامیڈیکل کارندہ غاتا حاضری، او پی ڈی سروسز، دارو تا ساڑی گری‘ سفائی نا حالیت، طبی ازباب آتا فعالیت و ناجوڑ آتے تننگوک آسراتی تا جاچ ءِ ہلک۔ او تعلقدار کارندہ غاتے پارت کرے کہ الس ءِ وخت آ، آب اٹو و خوش اخلاقی آ تالان طبی خذمت آتا فراوانی ءِ امر کہ مرے پک کننگے تانکہ مُر انگا علاقہ غاتا الس ہم جوان طبی آسراتی تیان فائدہ ہرفنگ کے۔ ڈاکٹر یاسر طاہر ناجوڑ و اوفتا خاہوت آتتون ہم اوڑدہی کرے، اوفتیان فراوان کروک طبی آسراتی تا بابت ہرفے و اوفتا ویل و سلاہ تے بنسا جاگہ غا المی پارت کرے۔ او دا عزم انا درشانی ءِ کرے کہ مچ آ ضلع نا کل سرکاری جانجوڑی ہند آتا باقاعدہ مانیٹرنگ نا رد و ریسہ ءِ برجا تخنگک تانکہ الس نا جانجوڑی نا خذمت آتا آب اٹی پین گچینی اتنگ مرے۔ ڈسٹرکٹ ہیلتھ آفیسر ڈاکٹر یاسر طاہر نا بھرمی چاروکی، پدریسہ فیلڈ مانیٹرنگ و انتظامی کوشست آتا سوب آن ضلع گوادر اٹی سرکاری طبی ہند آتا کارکڑد ءِ گچین کننگ، طبی کارندہ غاتیان پرسجو کننگ و الس ءِ آب اٹو جانجوڑی آسراتی تا فراوانی کن عملی گام گیج ترندی اٹ برجاءِ‘ ہراکہ محکمہ جانجوڑی نا جوان گورننس و السی خذمت نا عزم انا ڈیک ءِ‘۔ ضلعی انتظامیہ و محکمہ جانجوڑی دا ارادہ نا دوارگی ءِ کیرہ کہ وزیراعلیٰ بلوچستان میر سرفراز بگٹی نا وژن نا رِد اٹ ضلع گوادر نا شاری تے اوفتا درگہ غا آب اٹو‘ وخت آ و بے فرق طبی آسراتی تا فراوانی ءِ امر کہ مرے پک کننگک۔