ذہنی مریض اس وزیراعظم نا کڑسی آ تولسا دروغ‘ کرینگ و سم ءِ قومی کلچر جوڑ کرے‘مریم نواز

لاہور: پاکستان مسلم لیگ (ن) نا سینئر نائب صدر و چیف آرگنائزر مریم نواز پارینے کہ اسہ ذہنی مریض اس وزیراعظم نا کڑسی آ تولسا دروغ‘ کرینگ و سم ءِ قومی کلچر جوڑ کرے‘ عمران خان سنگت وخاہوت آتے جنگ تس‘ ہیت کننگ نا وڑ و تہذیب ءِ پلا۔ تدوک آ دے مسلم لیگ (ن) نا بنجائی سیکرٹریٹ ماڈل ٹاؤن اٹ سینئر نائب صدر مریم نواز ناکماشی ٹی سوشل میڈیا ٹیم انا دیوان اڈہلک دیوان اٹ سوشل میڈیا ءِ فعال کننگ نابابت سلاہ تیا سجفنگا‘ داوخت آ مریم نواز سوشل میڈیا ٹیم انا جوزہ ناسفت ءِ کرسا پارے کہ سوشل میڈیا ءِ مثبت رویہ و تعمیری سوچ اکن کاریم اٹ اتنگے‘ مچ آ ملک آن خوانندہ‘ روشن دماغ ورناتے سوشل میڈیا ءِ گند آک پاک کننگ اٹ کڑدار ادا کروئی مریک۔ مریم نواز ورناتے کیوآرکوڈ آ سوشل میڈیا ٹیم انا بشخ مننگ ناسلہ خلسا پارے کہ سوشل میڈیا ءِ مثبت رویہ و جوان انگا سوچ ءِ تالان کننگ کن کاریم اٹ اتنگے۔ قائد نوازشریف و مسلم لیگ (ن) شرافت سگ و اخلاقی قدر آتیا باور کیک‘ تہار انگا دور اٹ نما جیرت و بہادری گمر کڑزک‘ راستکی و راست ءِ تالان کننگ نا ذریعہ جوڑ مبو‘ دروغ تالان کروک آتے راست ءِ نشان ایتبو‘ راج آن بشخ وپانٹ ءِ چٹفنگ و سیوت نا جوزہ ءِ ودفوئی ءِ۔ او پارے کہ تدوک آ چار سال اٹ ایلم ءِ ایلم تون جنگ تننگا‘ عمران خان اُرا‘ سنگت و خاہوت آتے جنگ تس‘ ذہنی مریض وزیراعظم نا کڑسی آ تولسا دروغ‘ کرینگ و سم ءِ قومی کلچر جوڑ کرے۔ مریم نواز پارے کہ ورناک راج اٹ تحمل، اخلاق ایلمی نا جوزہ ءِ مونی دیر‘ شرہ نا جمہوری و اسلامی وڑ ءِ تینائی کیر‘ اختلاف کروک آتے تینا دشمن تکپس‘ نم رضاکارانہ جوزہ اٹ کاریم کیرے کنے نمے آ گمر ءِ۔ مریم نواز پارے کہ سائیبر سپیس آ نم ملک و قوم انا فائدہ کن جنگ کبو۔

(آن لائن)