محکمہ غاتا سروک آک شونداری ڈٹ آتا وزٹ کیر، بابو رحیم مینگل

نوشکے:  بلوچستان نیشنل پارٹی نا بنجائی ایگزیکٹیو کمیٹی نا باسک و ایم پی اے نوشکے میر محمد رحیم خان مینگل سوشل میڈیا نا کمک اٹ ضلع نوشکے نا کل محکمہ غاتا ضلعی کماش آتے پارینے کہ ضلع نوشکے کن تینا تینا محکمہ غاتیٹی برجا انگا کل اسکیم تا ہرا پی ایس ڈی پی یا پی ایس ڈی پی پلس نا رداٹ اسکیمک ٹینڈر مسنو و کاریم برجا ءِ۔ تو داوڑ نا کل اسکیم تا وزٹ المی کیر و وزٹ نا وخت آ پی سی 1 نا کاپی تینتو المی ہرفر۔ اسکیم آ کاریم نا پورو مننگ و آب اٹ کاریم ءِ پک کے۔ آبنوشی اسکیمک مریر یا بلیک ٹاپ (روڈ) مرے، اسکول و ہسپتال آتیٹی چلینگوک آ ریپئیرنگ نا کاریم مرے یا فرنیچر و ایلو مشینری نا سپلائی مرے خلق آتا رکھوک ڈیم تا کاریم یا جتاجتا خلق آتیٹی روشنائی نا بابت اٹ سولر سسٹم نا انسٹالیشن، کیسکو اٹ کھمبہ، تار شاغنگ یا ٹرانسفارمر تخنگ خاص کر ہر محکمہ ٹی شونداری کاریم مرے یا مسنو تو او کل انا زمواری محکمہ نا کماش نا ءِ۔ انتئے کہ ٹھیکیدار آن کاریم ہلنگ محکمانہ کماش نا ءِ۔ بحیثیت ایم پی اے کل محکمہ غاتا ضلعی کماش آتے پاننگانے کہ ٹینڈر کننگ ناوخت آ کاریم ہراٹی ٹھیکیدار ءِ تننگانے پی سی 1 نا رداٹ دا ٹھیکیدار آن کاریم ہلنگ نما بنداوی زمواری ءِ۔

(آن لائن)