حضرت ابراہیم ؑ نا بی بی حاجرہ و حضرت اسماعیل ؑ ءِ مکہ ٹی اِلّنگ  1

ابراہیم ؑ ءِ رب ننا پین امتحان تان گدریفے

حاجرہ تو اسماعیل ؑ ءِ او حجاز آ سر کرے

مکہ و طائف و یثرب ئسرہ حجاز اٹی

مکہ ویران ئس ہموتم ہیت ئسک راز اٹی

رب بشخنگ خواہسکہ دا جَہ ءِ دون ءُ پِن اس

دشت ویران دا علاقہ دِیر اَلّو ہچ جہ اس

نئے وڑی نئے آدمی نئے توار اس چُک انا

ایس اِلّا او ہموڑے آل و اولیاد ءِ تینا

حضرت ابراہیم ؑ مسک حاجرہ تو ہم کلام

کاوہ ای داسہ نمے آن بس نما ءِ دا مقام

حاجرہ پارے تفوک آ دا چُنا تو انت کروٹ

دِیر اسے کن پا کننگ کن دیر اسے آ ای ہنوٹ

پارے ابراہیم ؑ کنا اف دا رضا ءِ رب انا

ای نُمے اوڑا سفاراٹ پین ہچ اف وس کنا

پارے بی بی حاجرہ نن رب اکن قربان مرین

توکل اوڑا کینہ ہن نی بے نیاز ءِ او گچین

اِلّا ابراہیم ؑ اوفتے درخت اسے نا کیرغ آن

مَشک مون انگا ہموڑے اوفتا دارہ ایرہ غان

دے اِرٹ آن پد ختم مس توشہ انت اس ئسّکہ

او تخوسُر با آ تینا بوچ اس اوڑے مَسّکہ

پاڷ چُٹّا سینہ غان تے بس ملاسی لنگڑی

دانگ اینگ آ او ہُرا کہ آدمی ئس نئے وڑی

ہفتئی تلار

تاک: 29

25-31 July 2020

پنہ: 04