جنگ اٹ مخ تفی، آذر بائیجان نا صدر خصوصی وڑ اٹ عمران خان نا منتوار

آذر بائیجان (آن لائن)آذر بائیجان نا صدر الہام علیوف آرمینیا تون برجا انگا جنگ اٹ مخ تفی کننگ آ پاکستان و ترکی نا خاص وڑ اٹ منتواری ءِ ہرفینے۔ صدر الہام علیوف اسہ انٹرویو سے ٹی پارینے کہ نن ہندا ملک آتا منتواری ءِ ہرفنہ ہرافک دا سخت انگا وخت اٹ ننتون کمک کریر۔ دا بھاز اہم مریک کہ دن انگا حالیت آتیٹی نمتون دیر دیر سلوک ءُ۔ وخت اس کہ ننکن ہم بھاز اہم ءِ کہ اینو دا حالیت اٹ ننتون دیر دیر سلوک ءُ۔ او پارینے کہ ننا بردار ملک آک ترکی و پاکستان جوان وڑ اٹ آذربائیجان نا مخ تفی ءِ کریر۔ ننکن دا ہیت بھاز اہمیت تخک کہ ننتون دیر دیر سلوک ءُ و بے شک نن دا ہیت ءِ اسُل اُست آن دپنہ۔ ای اسہ وار ولدا وزیراعظم پاکستان، وزیر خارجہ و پاکستانی اُلس نا منتواری ءِ ہرفوہ۔ ہڑتوم آ ملک آتا نیام اٹ سنگتی نا تعلقداری پین سوگو مریک۔ ایلو کنڈآ ہڑتوم آ ملک آک جہانی برادری نا کنڈآن جنگ بندی نا خواست آتے رد کرینے۔