ساڑی حالیت آتیٹی چپ کننگ کپرہ، کس دن ءُ کوشست ہم کپ، نواز شریف

لندن (آن لائن) مسکوہی وزیراعظم نواز شریف وزیراعظم عمران خان ءِ‘سلیکٹڈ’پند کرسا پارینے کہ گچین کاری ءِ دزسا الیکشن جعلی مینڈیٹ ترفیسُس۔ سلیکٹڈ’ءِ اتوک آک پار انتئے اُلس نا مینڈیٹ دزنگا۔ ساڑی حالیت آتیٹی چُپ تولنگ کپرہ، کس ا کنے چُپ کرفنگ نا کوشست ہم کپ نواز شریف دا مِش اناس جوڑ مف کہ دو نمبری آ چُپ سلے، ملک ءِ بچفنگ کن پِڑ اٹ پیش تمانٹ کس اسے کٹفنگ و با ترفنگ بھلو دوبہ اسے ءُ۔ پولنگ ایجنٹ آتے پولنگ اسٹیشن آن کشا ڈبہ غاتے پُر کننگا، چار ووٹ آن سلیکٹڈ ءِ وزیراعظم جوڑ کیرے، نن مگہ ہیٹ و خراس امر کہ چارے ہمووڑ ننتون کننگ کیرے۔ گچین کاری ءِ سبوتاژ کننگ بھلو دوبہ اس اف ہر چار آ کنڈ نگاہ شاوہ تو اُست بھاز غمگین ءِ، نن انت ئسن او ہرانگ ہننگ اٹی اُن، نواز شریف نا پاکستان مسلم لیگ (ن) نا سینٹرل ورکنگ کمیٹی تون ویڈیو لنک آ تران کننگ نا وخت آ پاننگ ئس کہ ہُننگ ہُننگ اٹ انت مس؟ 2018ء اسکان اُلس اخس شونہال ئس۔ نن انت ئسن؟ ہراڑے ئسن و ہرانگ ہننگ اٹی اُن؟ اسہ ڈغار و آسمان نا فرق ءِ خنوہ۔ ہراتم ملکی حالیت آ نظر شاغوہ تو کنے بھاز تکلیف مریک۔ ہندا 2 سال اٹ انت انت مرحلہ ننے بس، ولے خدا نا شُکر ءِ کہ اللہ کنے نمتون ملفے۔