بلوچستان نا تاریخی ہند آتے پیدوار کننگ نا گرج ءِ، جام کمال خان

کوئٹہ (خ ن) وزیراعلیٰ بلوچستان جام کمال خان پارینے کہ بلوچستان نہ بیرہ رقبہ مرغن ءِ وخت اس کہ داڑے دنیا نا مُتکن انگا تہذیب ہم ننے ملک، صوبہ ٹی بھاز ہندن ءُ تاریخی ءُ ہند ءُ ہرافے جوان وڑ اٹ مون آ اتنگ نا گرج ءِ تانکہ او بیرہ قومی وخت اس کہ جہانی کہول آ ہندن ءُ تاریخی سیلی ہند آتیکن جوان جوڑ مرے۔ دا خیال آتا درشانی ءِ او محکمہ آرکائیوز و کلچر نا شونداری ڈٹ آتیا جوانی و ہند آتیٹی متکن آ گڑاتا رکھ انا بابت اٹ اڈ ہلوک دیوان آن تران کرسا کرے۔ دیوان اٹ صوبائی سلاہکار عبدالخالق ہزارہ، پارلیمانی سیکریٹری کیو ڈی اے بشریٰ رند، سیکریٹری خزانہ، سیکریٹری حوالکاری و سیکریٹری کلچر تون اوار ایلو کمامدار آک ہم بشخ ہلکر۔ سیکریٹری کلچر ادارہ نا برجا و پُوسکن آ شونداری اسکیم آتیا جوانی و سیل و سواتی نا جوانی نا بابت اٹ بریفنگ ترسا پارے کہ مُتکن آ گڑاتا رکھ، سیل و سواتی نا جوانی و لائبریری تا جوڑ کننگ کن مچ آ صوبہ ٹی محکمہ نا کنڈآن شونداری ڈٹ آتیا جوانی برجا ءِ۔