پاک فوج، انتظامیہ و فرنٹ لائن آ زمواری سر تروک آتے سلام پیش کینہ، محمد یونس بلوچ

کوئٹہ(اے پی پی) مسکوہی ڈپٹی میئر کوئٹہ محمد یونس بلوچ، مسکوہی کونسلران چوہدری محمد عاطف، جمشید خان دوتانی، مولانا محمد ایوب ایوبی، محمد حسین، محمد سلیم زمان، عبداللہ ناصر، میر فاروق لانگو، حمداللہ بڑیچ، یحییٰ خان ناصر، صلاح الدین اچکزئی، اختر خروٹی و ایلوفک کوئٹہ نا الس آن خواست کرینو کہ کوروناوائرس نا تالانی ءِ توننگ کن اُراتیان پیش تمپس و تینا اسلامی، قومی و اخلاقی زمواری ءِ پورو کرسا ایلوفتے ہم تینا اُراتیٹی مننگ کن پابند کیر۔ داڑے جاری مروک آ اسیجا بیان اٹی میٹروپولیٹن کارپوریشن کوئٹہ نا مسکوہی ڈپٹی میئر و مسکوہی کونسلر آک دا سختی نا دے تیٹی پاک فوج، انتظامیہ ہرافتے ٹی خاص وڑاٹ ڈاکٹرز، پیرامیڈیکل اسٹاف، پولیس، ایف سی، لاانفورسمنٹ انجنسیز، سول ڈیفنس نا ادارہ ہراداحالیت آتے ٹی فرنٹ لائن آ تینا زمواری تے جوان وڑاٹ پورو کننگ ءُ اوفتے سلام پیش کرسا پارے کہ نن بحیثیت زموار تینا خذمت آتے تینا علاقہ غاتے ٹی برجاتخانن و بلوچستان نا غٹ مسکوہی چیئرمین ، مسکوہی وائس چیئرمین و مسکوہی کونسلر آتیان خواست کینہ کہ الس ءِ شعور و آگاہی ایتر کہ دا دین ءِ سنجیدگی اٹ ہلیر تانکہ دا آفت آن سرسہبی اٹ نجات ہلنگ کیر ایسر اٹ اوفک کوروناوائرس آن شہید مروک آ ڈاکٹرزو پیرامیڈیکل اسٹاف نا بڑزکو درجہ غاتے کن دعا کریر۔