میانمار اٹی کورونا و فوجی بغاوت نا سوب آن غریبی ودنگ ءِ
Get real time updates directly on you device, subscribe now.
اقوام متحدہ (اے پی پی) اقوام متحدہ نا شونداری پروگرام یواین ڈی پی خبڑدار کرینے کہ کورونا دین انا جہانی دین و فروری نا فوجی بغاوت نا راجی و اقتصادی اثرآتا سوب بروک آ سال انا اول اسکان میانمار نا کم و ود نیمہ آبادی نیزگاری نا گواچی مننگ کیک۔ اقوام متحدہ نا جاری کروک رپورٹ اٹی پارینے کہ جہانی دین انا تالانی نا سوب آن کشت وکشار و ماہی گیری تون اوار کیہی صنعتی بشخ آتے ٹی کٹیا کم مننگ ءِ وخت اس کہ فوجی بغاوت آن پد حکومتی اعانت ناکافی مننگ نا سوب آن اقتصادی بدحالی ٹی ترندی بسنے۔ اقوام متحدہ نا شونداری پروگرام نا پاننگ ءِ کہ کم و ود اسہ کروڑ 20 لکھ بندغ نیزگاری نا گواچی مننگ کیرہ۔ حوال اٹی پاننگانے کہ داٹی گمان ءِ کہ 2022ء نا اول اسکان 2 کروڑ 50 لکھ بندغ یعنی میانمار نا کم و ود نیمہ آبادی قومی نیزگاری نا حد آن شیف زند ءِ تیر کرور۔2017ء ٹی ملک اٹی نیزگاری نا کچ کم مرسا 28.4درسد مسوسس