ڈپٹی کمشنر وریندر لعل نا کماشی ٹی ڈسٹرکٹ ڈویلپمنٹ کمیٹی نا دیوان

نصیرآباد، ڈپٹی کمشنر وریندر لعل نا کماشی ٹی ڈسٹرکٹ ڈویلپمنٹ کمیٹی نا دیوان اٹی شونداری ڈٹ آتا پیشرفت نا جم جاچ ءِ ہلنگا۔ یات سلے کہ ڈپٹی کمشنر نصیرآباد وریندر لعل نا کماشی ٹی ڈسٹرکٹ ڈویلپمنٹ کمیٹی نا اہم ءُ دیوان اس اڈ ہلک ہراٹی ایکسین بی اینڈ آر، روڈز، بلڈنگز، پبلک ہیلتھ انجینئرنگ نا ایکسین تون اوار لوکل گورنمنٹ نا افسر آتتون اوار ایلو تعلقدار محکمہ غاتا افسر آک بشخ ہلکر۔ دیوان اٹی بلوچستان اسپیشل ڈویلپمنٹ انیشی ایٹو فیز ٹو انا رد اٹ پورو مروک شونداری ڈٹ آتا جم جاچ ءِ ہلنگا، وخت اس کہ فیز تھری نا ڈٹ آتیا پیشرفت و اوفتیا عملدرآمد نا بابت ہم سجفنگا۔ دیوان اٹ تعلقدار افسر آک ڈپٹی کمشنر نصیرآباد ءِ بلوچستان اسپیشل ڈویلپمنٹ انیشی ایٹو فیز ٹو نا رد اٹ پورو کروک شونداری ڈٹ آتا بابت بریفنگ تسر۔