پارٹی صدر شہبازشریف تون بے وڑی کننگ است ہسونی اسے، نوازشریف

اسلام آباد (آن لائن) مسلم لیگ (ن) نا کماش و مسکوہی وزیراعظم نوازشریف پارینے کہ پارٹی صدر شہبازشریف تون پیش بننگ آ ڈکھی اُٹ، انت اس کہ مننگ اٹی ءِ، داڑان ننا جوزہ غاک پین ودرہ، انشاء اللہ نن تینا جہد ءِ پین ترند کینہ، ننے داڑا فخر ءِ کہ ننا سنگت بہادری ٹی حالیت آتا مقابلہ ءِ کننگ اٹی ءِ، ننا چُناتتون ہراوڑ پیش بننگ ءُ، تاریخ اٹ دن ءُ ہچ ءُ دے اس بتنے۔ تدوک آ دے پارٹی نا سینٹرل ایگزیکٹو کمیٹی (سی ای سی) نا اہم ءُ دیوان اسے آن لندن آن ویڈیو لنک نا کمک اٹ تران کرسا نوازشریف پارے کہ شہبازشریف بے مٹ جرت و بہادری و استقلال نا درشانی ءِ کرینے، شہبازشریف ءِ سیلوٹ کیوہ کہ او دیانتداری ٹی قوم و ملک انا خدمت ءِ کرے.