بے سہب خارجہ پالیسی نا سوب آن پاکستان دنیا ٹی تنیا مسنے، مالک بلوچ

0

Get real time updates directly on you device, subscribe now.

کوئٹہ (آن لائن)نیشنل پارٹی نا بنجائی کمیٹی نا دیوان ارٹمیکو دے ہم صدر نیشنل پارٹی ڈاکٹر عبدالمالک بلوچ نا کماشی ٹی اڈ ہلک دیوان اٹ بنجائی صدر مسکوہی وزیر اعلی بلوچستان ڈاکٹر عبدالمالک بلوچ تران کرسا پارے کہ پاکستان زرگزرانی و اقتصادی وڑ اٹ تاریخ نا سخت انگا دور آن گدرینگ انگ اٹی ءِ بے سہب خارجہ پالیسی نا سوب آن پاکستان دا وخت آ دنیا ٹی تنیا سلوک ءِ، ننتون اوار چلینگوک و کمک کننگ کن اسہ ملک اس ہم تیار اف، 18میکو آئینی ترمیم و قومی وحدت آتے بشخ و پانٹ کننگ نا ہر سازش ءِ بے سہبی تون مون تروئی تمک۔ نیشنل پارٹی نا بنجائی کمیٹی تون جان محمد بلیدی، سینٹر میر کبیر محمد شہی، سینٹر میر طاہر بزنجو، تاج مری، ڈاکٹر اسحاق بلوچ، راحت ملک، رفیق احمد کھوسہ، حمید انجینئر، یاسمین لہڑی، اسلم بلوچ، فداحسین دشتی، نیاز بلوچ، عطا محمد بنگلزئی تون اوار ایلو راہشونک ہم تران کریر دیوان آن تران کرسا راہشونک پارینو کہ پاکستان زرگزرانی و اقتصادی کاختی نا گواچی ءِ، پارلیمنٹ نا وقار و توقیر ءِ ویل آتا گواچی کرینے کل جمہوری و پارلیمانی ادارہ غاتے غیر فعال کننگانے۔

Get real time updates directly on you device, subscribe now.

Leave A Reply

Your email address will not be published.