بلوچستان اٹی دیر انا حالیت ہم گڑتی نا سوب ءِ، چیف جسٹس سپریم کورٹ
Get real time updates directly on you device, subscribe now.
کوئٹہ (آن لائن) چیف جسٹس سپریم کورٹ آف پاکستان جسٹس گلزار احمد بلوچستان اٹ دیر انا حالیت آ اُست ہسونی نا درشانی ءِ کرسا ریمارکس تسنے کہ مچ آ صوبہ نا کل ڈیم تے مسہ سال انا تہٹی پورو کننگے و جوڑ انگا ڈیم تا مسہ توئی کارکڑد رپورٹ عدالت اٹ پیش کننگے نہ تو زموارآتا برخلاف کارروائی کینہ۔ بدقسمتی اٹ بلوچستان ٹی دیر انا حالیت بد آن بدترین مرسا ءِ، دیر اہم ءُ گرج اسے ہراڑکن ڈیم تا جوڑ کننگ المی ءِ، عدالت پارت کرے کہ وندر ڈیم تا جوڑ کننگ نا بابت مسہ توئی کارکڑد رپورٹ سپریم کورٹ اٹ جمع و کوئٹہ آن 25 کلومیٹر نا فاصلہ غا پی ایچ ای نا ٹیوب ویل آن اُلس ءِ دیر تننگ نا وڑ و ڈول ءِ پک کننگے۔ دا ریمارکس چیف جسٹس تدوک آ دے بلوچستان اٹ دیر نا حالیت نا بابت کیس انا سماعت نا وخت آ تس۔