بیرہ اسہ خاص ءُ تپہ اسے جوان تعلیم نا آسراتی دوئی ارے، نظام تعلیم اٹی ہم بھاز گچینی اتنگ نا گرج ءِ،وزیراعظم 

سلام آباد (آن لائن) وزیراعظم عمران خان پارینے کہ ملک انا پد تمننگ نا سوب دادے کہ ننا داڑے اشرافیہ کن ڈٹ بندی کننگا ولے کنے اومیت ءِ کہ نن آئی ٹی و ورنا تے کاریم اٹ اتسا تینا برآمدات آتے ودفنگ کینہ، بیرہ اسہ خاص ءُ تپہ سے جوان تعلیم نا آسراتی دوئی ءِ، نظام تعلیم اٹ ہم جوانی نا گرج ءِ، پاکستان اٹ غریب تپہ ءِ بڑز اتنگ ننا وژن ءِ، ڈیجیٹلائزیشن پاکستان نا آخبت ءِ، جوان ءُ ہیت اسے کہ ملک جوانی نا کنڈ آ ہننگ اٹی ءِ۔ اسلام آباد اٹ یونیورسل فنڈ نا کنڈآن بلوچستان و سندھ اٹ ہائی اسپیڈ براڈ بینڈ سروسز نا کنٹریکٹ ایوارڈ نا دود آن تران کرسا او پارینے کہ بلوچستان ءِ مالو اینگ کننگا۔ سوئی نا علاقہ گیس انا مڈی آن پد ہم پدی سلیس بلوچستان اٹ ہم بھاز غربت ءِ او بھاز بھلو مرغن ءُ علاقہ اسے ولے او علاقہ ءِ بھاز اینگ کننگا او بھاز پد تما اسہ کنڈی شونداری ہرا ننا ملک اٹ مریک دانا راج آ بھاز بھلو اثر مریک، دنیا نا شونداری ءِ ہم ہننگے تو نظر بریک کہ غریب آ ملک آک غریب مرسا ہننگ ءُ و امیر ملک آتیٹی کل ءِ پیسہ غاتے خلنگ اٹی ءُ، تو منی لانڈرنگ نا کانود ہم طاقت ور ملک آتے رکھ ایتک و نزور ملک آتے ہچ ءُ رکھ اس تفک ہراتم دنیا ٹی غیر منصفانہ شونداری مریک تو راج ءِ داڑتون مون تروئی تمک، بدقسمتی اٹ ننا ملک اٹ ہم ہندا مننگ اٹی ءِ کہ اسہ چُنکو تپہ اسے انگریزی تعلیم تننگا وخت اس کہ ایلو دینی مدرسہ غاتے نن اسہ کنڈی کرین کہ اوڑے انت تعلیم تننگ انگ ءِ۔