بلوچ آتے کن غٹ درگہ غاتے زور اٹ بند کننگ انگ ءِ، سردار اختر مینگل

کوئٹہ(آن لائن )بلوچستان نیشنل پارٹی نا کماش و قومی اسمبلی نا باسک سرداراخترجان مینگل پارینے کہ حیات بلوچ اسہ گچین ءُ طالب علم اس ئس ہرا جھیڑہ نا جاگہ غا قلم نا طاقت ءِ گچین کریسُس اونا بے دردی ٹی خون ءِ کننگا، بلوچ آتیکن کل ءِ درگہ غاتے زوراکی ٹی بند کننگ انگ ءِ، چاہے تعلیم مرے، سیاست مرے یا ایلو زندہ سلنگ نا حق، ننکن انت اس بچانے؟ راجی رابطہ نا ویب سائٹ آ تینا کلہو اسے ٹی سرداراخترجان مینگل پارینے کہ اگست بلوچستان کن ماتمی ءُ تو اسے۔ حیات بلوچ اسہ پرجوش ءُ ورنا طالب علم اس ئس ہرا جھیڑہ نا جاگہ غا قلم نا طاقت ءِ گچین کرے اونا بے دردی ٹی خون ءِ کننگا ہمو دے ءِ خننگ کن بلوچ تینا چُناتے تعلیم دوئی کننگ کن راہی کننگ اٹی ءُ؟ او پارینے کہ بلوچ آتیکن کل درگہ غاتے زوراکی ٹی بند کننگ انگ ءِ، چاہے تعلیم مرے، سیاست مرے یا ایلو زندہ سلنگ نا حق آک، ننکن انت اس بچانے؟