پوسکن آ ٹیسٹ رینکنگ جاری‘ بین اسٹوکس نمبر ون آل راؤنڈر گچین

دبئی (مانیٹرنگ ڈیسک) آئی سی سی ٹیسٹ پلیئر آتا پُوسکن آ رینکنگ ءِ جاری کرے۔ ہرانا رداٹ انگلینڈ نا بین اسٹوکس نمبرون آل راونڈر جوڑ مسنے۔ او فلنٹوف آن پد اولیکو انگلش گوازی گر ءِ، ہرا دا اعزاز ءِ دوئی کننگ اٹ سرسہب مسنے۔ بیٹسمین تا مہشون اٹ ہم بین اسٹوکس شون ہلسا مسٹمیکو پوزیشن آ بسنے۔ درجہ بندی نا رداٹ آسٹڑیلیا نا اسمتھ اولیکو و بھارت نا ویرات کوہلی ارٹمیکو نمبر آ ساڑی ءِ، پاکستان ٹی ٹوئنٹی و ون ڈے ٹیم نا کیپٹن بابراعظم نا دا مہشون اٹ ششمیکو نمبر ءِ، ویسٹ انڈیز نا جیسن ہولڈر اسہ گام اس مونی ہننگ آن پد ارٹمیکو پوزیشن آ ہنا۔ باؤلنگ اٹ آسٹریلیا نا پیٹ کمنز اولیکو پوزیشن آ ساڑی ءِ، سویلی افریقہ نا نیل ویگنر نا ارٹمیکو نمبر ءِ، جیسن ہولڈر نا مسٹمیکو پوزیشن ءِ، ٹاپ ٹین باولر تیٹی ہچ ءُُ پاکستانی اس اوار اف، دہ جوان انگا آل راونڈر تا لسٹ اٹ ہچ ءُُ پاکستانی اس جاگہ جوڑ کننگ کتو۔