ہیمنگ امین بھارتی کرکٹ بورڈ نا عبوری سی ای او گچین

نئی دہلی (مانیٹرنگ ڈیسک) انڈین پریمیر لیگ (آئی پی ایل) نا چیف آپریٹنگ آفیسر (سی ای او) ہیمنگ امین ءِ بھارت کرکٹ اینڈ کنٹرول بورڈ (بی سی سی آئی) نا عبوری سی ای او گچین کننگانے۔ بھارت کرکٹ اینڈ کنٹرول بورڈ (بی سی سی آئی) نا سکرٹری جے شاہ اسہ ای میل اسے نا رداٹ بورڈ اتون گنڈوک آ بندغ آتے معلومدار کرے۔ دا گام گیج راہول جوہری نا استیفہ تننگ آن منہ دے آن پد مون آ بسنے انتئے کہ بھارت کرکٹ اینڈ کنٹرول بورڈ (بی سی سی آئی) سی ای او نا استیفہ ءِ امنا ءِ کریسُس۔ راہول جوہری، ہرا بھارت کرکٹ اینڈ کنٹرول بورڈ (بی سی سی آئی) نا سی ای او ئس۔ او سی ای او نا عہدہ غان استیفہ تسنے او داسہ او بی سی سی آئی تون اوار اف۔ جے شاہ پارینے کہ نن مسٹر ہیمنگ امین، سی او او، آئی پی ایل ءِ عبوری سی ای او گچین کرینے۔ ہیمنگ امین بھارت کرکٹ اینڈ کنٹرول بورڈ (بی سی سی آئی) کن اسہ نازرک ءُُ وخت اسے ٹی تینا عہدہ ءِ سنبھالانے۔ بورڈ اٹ کیہی اہمءُُ عہدہ غاک خالی سلیسنو۔