ٹوکیو اولمپکس آرگنائزر آک گوازی تا پُوسکن آ شیڈول نا پڑو ءِ کریر

ٹوکیو (اے پی پی) ٹوکیو اولمپکس نا آرگنائزر آک دا گوازی تا مقابلہ غاتا پُوسکن آ شیڈول نا پڑو ءِ کرینے۔ دا گوازی، کورونا وائرس نا جہانی دَین نا سوب آن بروک آ سال اکن ملتوی کننگاسُس۔ جاپانی میڈیا نا رداٹ ٹوکیو آرگنائزنگ کمیٹی نا کماش موری یوشیرو تدوک آ دے جہانی اولمپک کمیٹی نا ویڈیو کانفرنس اسے ٹی دانا پڑو ءِ کرے۔ موری پارینے کہ اولمپکس 23 جولائی آن بنا مرسا 17 دے اسکان برجا سلک۔ دانا بنا دا تاریخ آن اسہ دے اس مست مریک ہرا اینخو اولمپکس نا بنا کن جوڑ کننگاسس۔ او پارینے کہ مچ آ دنیا آن کھلاڑی 33 گوازی تا ریکارڈ 339 ایونٹ آتیٹی مقابلہ کینہ۔ آرگنائزرز، ہمو کل ہند، اتھلیٹ ویلیج و ایلو جاگہ غاتے دوئی کننگ کن سرسہب مسنو ہرا کینسل مروک آ گیم تیکن دوئی کننگاسُس۔ دانا سوب آن مقابلہ غاتا پُوسکن آ شیڈول اسہ وڑاٹ کینسل مروک آ شیڈول نا وڑ اس خننگک۔