انگلینڈ سیریز نا تیاریک‘ انٹرا اسکواڈ پریکٹس میچ آتے گرین ٹیم کٹا

لاہور (مانیٹرنگ ڈیسک) انگلینڈ نا برخلاف ٹیسٹ سیریز نا تیاری تیکن مروک آ انٹرا اسکواڈ چار دے ئی پریکٹس میچ ءِ گرین ٹیم کٹا۔ اظہر علی 120 رنز نا جوان ءُُ ڈائی اس گوازی کرے۔ ڈربی شائر اٹ انٹرا اسکواڈ پریکٹس میچ 4 دے آن پد چٹا، اظہرعلی نا گرین ٹیم مون مقابل بابر اعظم الیون ءِ شش وکٹ اٹ بے سہب کرے، گرین ٹیم ارٹمیکو ڈائی ٹی 354 رنز جوڑ کریر، کیپٹن اظہر علی دہ فور انا کمک اٹ 120 رنز جوڑ کرسا ناٹ آؤٹ سلیس۔ اسد شفیق ہم 67 رنز نا جوان ءُُ ڈائی اس گوازی کرے، اوپنر فخر زمان سنچری ءِ پورو کننگ کتو، نروس نائنٹی نا گواچی مرسا 99 رنز آ آؤٹ مس۔ چار دے ئی میچ اٹ محمد رضوان ہم سنچری اس جوڑ کرے وخت اس کہ نسیم شاہ و سہیل خان پنچ پنچ وکٹ ہلکر۔ قومی گوازی گرک تدوک آ دے روٹین نا ارا پریکٹس سیشن تیٹی اِن ایکشن مریرہ، پاکستان و انگلینڈ نا نیام اٹ مسہ ٹیسٹ میچ آتا سیریز پنچ اگست آن بنا مریک۔