محمد عامر نا کوویڈ 19 ٹیسٹ منفی بس‘ ارٹمیکو ٹیس پگہ شیڈول
Get real time updates directly on you device, subscribe now.
لاہور (مانیٹرنگ ڈیسک) فاسٹ باؤلر محمد عامر نا کوویڈ 19 ٹیسٹ منفی بس۔ گوازی گرتا ارٹمیکو ٹیسٹ پگہ مریک، اوفتے ہندی ہوٹل نا بائیو سکیور چاگڑد آ گدریفنگ نا پارت کننگانے۔ تدوک آ دے فاسٹ باؤلر محمد عامر ءِ دورہ انگلینڈ اٹ اوار کننگا و اوفتا اُرا ٹی اولیکو کوویڈ 19 ٹیسٹ کننگاسُس۔ محمد عامر نا اولیکو ٹیسٹ نا رپورٹ منفی بس۔ فاسٹ باؤلر نا ارٹمیکو کوویڈ 19 ٹیسٹ پگہ ہندی ہوٹل اٹ مریک۔ محمد عامر تون مساجر محمد عمران نا ہم ٹیسٹ منفی و ہڑتوم آتا اینو ہندی ہوٹل رپورٹ کیک ہراڑے اوفتے بائیو سکیور ماحول اٹ تخنگک۔ ارٹمیکو ٹیسٹ نا مثبت بننگ نا حالیت اٹ کھلاڑی و آفیشل انگلینڈ کن ہندا ہفتہ ٹی راہی مریک۔ محمد عامر ءِ فاسٹ باؤلر حارث رؤف نا جاگہ غا سکواڈ اٹ اوار کننگا وخت اس کہ محمد عامر نا انگلینڈ ءِ سر مننگ تون وکٹ کیپر روحیل نذیر ءِ ریلیز کننگک۔