برٹش ماسٹرز اوپن گالف ٹورنامنٹ 22 جولائی آن بنا کیک
Get real time updates directly on you device, subscribe now.
لندن (مانیٹرنگ ڈیسک) برٹش ماسٹرز اوپن گالف ٹورنامنٹ 22 جولائی آن انگلینڈ نا ہیڈن آن دی وال، نارتھمبرلینڈ اٹ بنا مریک ہراٹی دنیائے گالف نا پنی آ کالفر آک ٹائٹل نا دوئی کننگ کن مقابل مریرہ۔ یورپیئن گالف ٹور ایونٹ اٹ سویڈش گالفر مارکس میکیل کنہلٹ تینا اعزاز نا رکھ ءِ کیرہ۔ برٹش ماسٹرز اوپن گالف ٹورنامنٹ اسہ پروفیشنل گالف ٹورنامنٹ اسے ہرانا بنداو ءِ 1946ء ٹی ڈنلوپ ماسٹر نا وڑاٹ تخنگانے۔ دا ایونٹ 2009ء آن 2014ء اسکان گوازی کننگتنے۔ اوکان گڈ دادے 2015ء ٹی ولدا بحال کننگاسُس۔ ٹورنامنٹ انتظامیہ نا رداٹ یورپیئن گالف ٹور ٹورنامنٹ نا اڈ تننگ نا تیاریک برجا ءُ۔ ٹورنامنٹ 72 ہول آ گوازی کننگک۔ ٹورنامنٹ کن 12 لکھ 50 ہزار یورو نا انعامی ءُ پیسہ جتا کننگانے۔ ٹورنامنٹ اٹ سرسہبی کن گوازی گرک بیان تسنو او گمان کرینو کہ ایونٹ اٹ سخت ءُ مقابلہ مریرہ و شیدائی تے گالف انا جوان ءُ میچ خننگ کن رسینگک۔