جوفرا آرچر نا ردی خطرناک مننگ کریکہ‘ ایشلے جائلز

انگلینڈ (مانیٹرنگ ڈیسک) انگلینڈ کرکٹ بورڈ نا منیجنگ ڈائریکٹر ایشلے جائلز پارینے کہ جوفرا آرچر نا ردی خطرناک مننگ کریکہ۔ بائیو سیکورٹی پروٹوکول نا خلاف ورزی کرسا تینا گاڈی ٹی سفر کرسا گھنٹہ اس اُرا ٹی گدریفوک آ انگلش پیسر جوفرا آرچر نا بارواٹ ہیت کرسا انگلش کرکٹ بورڈ نا ڈائریکٹر ایشلے جائلز پارینے کہ شاید اودے اندازہ الو کہ اخس بھلو ردینک اس کرسا ءِ، اونا ردی آن پاکستان نا دورہ زہمی و کروڑ آ  پاؤنڈ آتا نسخان مننگ کریکہ۔ ایشلے جائلز پارینے کہ ننا کنڈآن اوفتا واضح کننگاسس کہ رکھوک گام گیج آتا بابت اٹ اوڑان انت گمان کننگ اٹی ءِ ولے مننگ کیک کہ او ننا ہیت ءِ سمجھنگ اٹ بے سہب مرو ءِ، ہر ردی نا بدلہ بریک، جوفرا آرچر نا برخلاف ہم ڈسپلنری کارروائی مریک۔